網紅的藏寶箱要坦白面對自己，話說我自己從來唔係一個好鍾意睇書嘅人，我覺得唔多唔少都會有影響到阿囡。佢靜落嚟嘅時候，就只會好似我咁拎張紙出嚟畫畫畫，但完全冇諗過睇書。
之前試過唔同方法幫佢，鼓勵佢去睇多啲書，或者陪喺佢隔離，或者同佢一齊講故事書。獎勵式、陪伴式等試完都未係好有成效。去到最尾我發現最有用嘅方法係⋯⋯ 我要自己培養自己睇書的習慣。
之前買咗啲自己鐘意嘅書睇，坐喺佢身邊，佢又睇自己嘅書，呢啲me time又變咗係mother daughter time☺️ 睇完輕輕又講吓大家睇咗啲咩，學咗啲咩。輕輕鬆鬆，慢慢培養習慣。
有時對小朋友嘅教法，真係要不停摸索，都有鬧過唔開心過，有一段時間都好迷惘。我哋只可以記住每個小朋友嘅性格都真係好唔同，唔好成日比較，只可以自己不停嘗試去搵啱自己同仔囡啱嘅方法。
今日，我要多謝囡囡（我有親口多謝佢，佢依家好有滿足感😂 佢讚我😍😘），大家才可以一齊成長。weekend睇書日～ 📖 📚😇
Search